Deixamos para descarga a DECLARACIÓN DE IMPACTO AMBIENTAL FORMULADA POLA DIRECCIÓN XERAL DE CALIDADE AMBIENTAL, SOSTIBILIDADE E CAMBIO CLIMÁTICO RELATIVA AO PROXECTO DO PARQUE EÓLICO OUTES, NOS CONCELLOS DE NEGREIRA E OUTES (A CORUÑA), PROMOVIDO POR NORVENTO, SL (CLAVE: 2011/0060) XUNTA DE GALICIA
Recomendamos a lectura na páxina 11 do punto 4.1.2:
“En canto á posible afección do proxecto sobre a poboación e a saúde humana en relación co efecto parpadeo de sombras (shadow flicker) durante a fase de funcionamento do parque, e en consonancia co recollido na documentación avaliada, nos potenciais receptores non se poderán superar as 30 horas/ano de exposición, téndose que adoptar as medidas mitigadoras oportunas (por exemplo, instalación de barreiras ou pantallas) ou programar paradas temporais dos aeroxeradores implicados no caso de que se supere o limiar recomendado.”
Despois da lectura, plantexámosnos a seguintes preguntas, que poderían ser moitas máis:
- ¿Por qué non se fala dos problemas de saúde que acarrean os parques eólicos?
- ¿Por qué se autorizan parques eólicos nas nosas aldeas coas afectacións a saúde que conlevan?
- ¿Cómo é posible que se recoñezan afectacións a saúde e aínda así se autoricen?
- ¿Canto vale a nosa saúde? Esta ten fácil resposta, a nosa saúde non vale nada, non lles importa…
Cadaquén que saque as súas propias conclusións, pero o que está claro e que os que deciden, si que saben dos efectos negativos para a saúde da implantación de estos proxectos nas nosas aldeas.
Entre todos, podemos evitar os graves impactos que estos proxectos xerarían no noso territorio.
![](https://terrademontesenperigo.com/wp-content/uploads/2021/07/inferior-a-6-km-salud-copia-galego.jpg)
As empresas do sector enerxético coa complicidade dos diferentes gobernos: concellos, autonómico e central están a promover macropolígonos industriais eólicos coma un motor de crecemento económico e xeración de emprego nas zonas afectadas, sen embargo están a esaxerar os efectos positivos e ocultando os gravísimos problemas ambientais, de saúde e financeiros que asumimos a poboación.
Sen ningún tipo de orde, pretenden transformar o medio rural en macroparques industriais, sen importarlles o máis mínimo as actividades propias do medio rural coma o sector agrogandeiro, o sector forestal ou o turismo rural.
Está nas nosas mans parar estos proxectos e as gravísimas consecuencias da súa implantación.